Në Kosovë nuk ka humbur jetën gjatë 24 orëve të fundit asnjë pacient i infektuar me koronavirus, ndërsa janë zbuluar 63 raste të reja, nga 592 testime të kryera.
Instituti Kombëtar i Shëndetësisë Publike në Kosovë raporton 87 persona të shëruar dhe 1,730. raste aktive.
Tre pacientë janë në respiratorë, tetë janë duke u trajtuar me makinat e frymëmarrjes, ndërsa 118 të tjerë janë në oksigjenoterapi.
Prej raportimit të rasteve të para me koronavirus në Kosovë, janë raportuar 15,333 të prekur me virus.