Kosova raporton 79 raste të reja me koronavirus

Kosova ka konfirmuar këtë të martë 79 raste pozitive me koronavirusi, ndërsa ka ndërruar jetë një person.

Instituti Kombëtar i Shëndetit Publik njoftoi se në total regjistohen 2.878 të infektuar dhe 51 viktima. Ndërkohë, shënohen 1.250 raste aktive.

“Në repartin e Mjekimit Intensiv të kësaj klinike janë duke u trajtuar 6 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, si dhe 4 raste janë në gjendje kritike me frymëmarrje të asistuar me respiratorë”, thuhet në njoftim.

Gjatë 24 orëve të fundit janë shëruar edhe 71 pacientë. Numri i përgjithshëm i të rikuperuarve ka arritur në 1.577.