Kandidati për kryeministër, Ramush Haradinaj, ka thënë se Kosova nuk do të hyjë në dialog me Serbinë pa u përfshirë në bisedime Shtetet e Bashkuara të Amerikës.
“Dialogu është instrument për çështje mes fqinjësh, por nuk do të pranojmë dialog të pabarabartë, pa reciprocitet. Nuk mund të diskutohen temat e brendshme të Kosovës në dialog me Serbinë.
Është mundësia që ta rrëzojë parlamenti. Por edhe mundësia e një komisioni të ri dhe një përgatitje e versionit të duhur të kufirit, që është në Çakorr. Duhet të negociojmë edhe me Malin e Zi, që e di të vërtetën”, ka thënë Haradinaj për “Klan Kosova”.
Haradinaj gjithashtu tha se ka një gatishmëri për përshpejtimin e procesit të liberalizimit të vizave për qytetarët e Kosovës.
“Lidhja me demarkacionin është e pakuptimtë. Nuk mendoj që vendimi për heqjen e vizave do të marrë shumë kohë. Mund të jetë çështje javësh, apo dy a tre muajsh”, është shprehur Haradinaj.
