Kombëtarja e Kosovës e ka nisur mbarë ndeshjen e parë në Ligën e Kombeve.
“Dardanët” ka arritur që të sigurojë pikën e parë në këtë ndeshje. Ato kanë luajtur barazim 0-0 ndaj Azerbajxhanit në Baku, në ndeshjen e vlefshme për grupin 3 në Ligën D.
Pjesa e parë nisi me një ritëm të ngadaltë nga të dy skuadrat, me Kosovën që me një përqindje pak më të lartë zotronte posedimin e topit.
Një prej rasteve që vlen të ceket, erdhi në minutën e 30’ të ndeshjes, kur Arbër Zeneli ishte në një pozitë të favorshme por që nuk arriti ta godiste topin shkaku i intervenimit të mbrojtës vendase.
Dy mundësi tjera për ‘Dardanët’ u panë edhe në fund të pjesës së parë, kur provoi me Celinën dhe Muriqin, por pa sukses.
Ndërsa starti i pjesës së dytë ishte më i mirë për ekipin e Azerbajxhanit, që për disa minuta arriti ta mbante në mbrojtje Kosovën, duke i vënë në vështirësi jo pak here, por pa rezultat.
Ndeshjen e radhës Kosova e luan më 10 shtator në ‘Fadil Vokrri’ kundër Ishujve Faroe.
