Kosova ble dronë “Bayraktar”, Kurti: Jemi vend akoma më i sigurtë

Ushtrisë së Kosovës i janë shtuar edhe dronët e llojit “Bajraktar TB-2”.

Lajmin e ka bërë të ditur kryeministri Kurti, i cili ka kryer inspektime së bashku me ministrin e Mbrojtjes dhe komandantin e forcës së sigurisë.

Kryeministri ka sqaruar se dronët janë blerë nga Turqia, por nuk ka treguar shumën e paguar, apo numrin e pajisjeve të reja që janë sjellë në Kosovë.

“Në dy vjet qeverisje e kemi shtuar për mbi 80% numrin e ushtarëve dhe mbi 100% buxhetin për ushtrinë. Kosova tani është edhe më e sigurt, përveçse gjithnjë krenare!” – shkruan Kurti në rrjetet sociale.