Shpresat se testet e antitrupave koronavirus mund të ndihmojnë Mbretërinë e Bashkuar për t’i dhënë fund bllokimit të saj morën një goditje pasi Organizata Botërore e Shëndetit ngriti pikëpyetje nëse ata ofrojnë ndonjë garanci të imunitetit.
Mbretëria e Bashkuar ka vendosur të kryejë teste të antitrupave – të cilat kontrollojnë nëse dikush ka pasur COVID-19 me qëllim që të kthehet në punë dhe të rinisë jetën normale.
Por ekspertët thanë që ata nuk mund të dëshmojnë nëse dikush është i mbrojtur nga riinfektimi.
Koordinatori i testimit në Mbretërinë e Bashkuar gjithashtu ka paralajmëruar njerëzit të mos blejnë teste private.
Profesori John Neëton tha se njerëzit nuk duhet të blejnë teste të paprovuara të antitrupave derisa të ketë një miratim nga ekspertët.
Duke folur në Gjenevë, dr. Maria van Kerkhove i Organizatës Botërore të Shëndetit hodhi dyshime prë testet serologjike për shkak të mungesës së provave rreth imunitetit kundër koronavirusit.
“Tani për tani, ne nuk kemi asnjë provë që përdorimi i një testi serologjik mund të tregojë se një individ ka imunitet ose është i mbrojtur nga riinfektimi.”
Pra, ende nuk ka garanci se nëse keni antritrupa kundër COVID-19, ju jeni plotësisht imunë. Ekziston mundësia që pavarësisht kësaj, ju ta strehoni virusin në trupin tuaj dhe t’ua kaloni atë të tjerëve.
