“Pandemia e koronavirusit po ngadalësohet nëpër botë”.
Ky është lajmi I mirë që sjell Organizata Botërore e Shëndetësisë pas muajsh të tërë debatesh në lidhje me situatën e krijuar.
OBSH e jep këtë konkluzion pas krahasimit të të dhënave për rastet e reja dhe vdekshmërinë javë pas jave.
Situata paraqitet më e përmirësuar sidomos në kontinentin amerikan.
Shifrat tregojnë se nga 17-23 gushti janë regjistruar 1.7 milionë raste të reja dhe 39 mijë viktima ose e thënë ndryshe 5% më pak të infektuar dhe 12% më pak humbje jete, krahasuar me javën paraardhëse.
Ngadalësimi është duke u vënë re kudo përveçse në zonën e juglindjes së Azisë dhe pjesën e Mesdheut lindor.
Deri më tani numri I të ifektuarve ka shkuar në rreth 24 milionë nga ku 16.5 milionë janë shëruar, ndersa fatkeqësisht rreth 820 mijë kanë ndërruar jetë.