Imunologu i njohur italian Francesco Le Foche beson shumë se koronavirusi do trë përfundojë si SARS, një virus që me kalimin e muajve e humbi forcën e tij. Mjeku që punon në Poliklinikën Umberto I në Romë thotë se forca përhapëse e Covid-19 ka rënë ndjeshëm ndërsa lajmet që vijnë nga studimet e bëra në Universitetin e Utrecht në Holandë janë tepër inkurajuese.
“Ky virus ende nuk na tregon me siguri nëse zhvillon antitrupa mbrojtës apo jo. Duhet të jemi shumë të kujdesshëm në interpretimin e testeve serologjike. Ajo që është e sigurt është se ka disa përparime shumë të rëndësishme, siç është psh antitrupi i kimerës, emri teknik i të cilit është 47d11, një antitrupë mjaft e veçantë që mendohet se neutralizon përfundimisht virusin. Ky është një lajm i rëndësishëm. Universiteti i Utrecht, Hollandë, ka botuar në një revistë shkencore lajmin për zhvillimin e një antitrupi monoklonal. Një antitrup i prodhuar në laborator që mund të riprodhohet vazhdimisht. Është një antitrup neutralizues që nuk është vaksinë. Quhet imunoterapi pasive. Sot flitet shumë për plazma, kjo është një gjë e ngjashme, por e bërë në laborator dhe me antitrupa selektiv, të cilat funksionojnë. Shkurt, u gjet një antitrup që mund të përdoret për terapi.”
Sipas doktorit të njohur Italian Francesco Le Foche në intervistën e dhënë për Rai Radio 2, antitrupa për të cilin po flasim ishte studiuar më heret që në vitin 2003 në rastin e Virusit SARS po më pas nuk u përdor sepse SARS në korrik të vitit 2003 ishte zhdukur plotësisht vetëm disa muaj pasi qe aktiv.
Ndoshta do të ndodhë kështu edhe me Covid 19, thotë doktori italian.
Shpresoj që të mos përdorni kurrë këtë antitrup, por është një ndihmë themelore. Fuqia e koronavirusit është zvogëluar dhe sindromat janë më pak të rënda “.
