Pandemia e koronavirusit për drejtorin e Radio Maria në Itali, Don Livio Fanzaga është një komplot. Sipas tij, elita politike po synon të dobësojë njerëzimin, të ulë besimin në Zot dhe të krijojë Botën e Satanit.
“Në nivelin fetar tashmë është thënë që pandemia nuk vjen nga Zoti. Nga pikëpamja njerëzore, ne nuk duam të hetojmë nga vjen kjo epidemik. Kjo epidemi është një projekt që unë gjithmonë ia kam atribuar djallit që vepron përmes mendjeve kriminale të cilët e kanë arritur atë me një qëllim shumë specifik: për të krijuar një tranzicion të papritur, pas përgatitjes ideologjike, politike dhe mediatike, për një grusht shteti shëndeti. Kjo do të thotë një projekt që synon dobësimin e njerëzimit, gjunjëzimin e tij, krijimin e një diktature sanitare dhe kibernetike, krijimin e një bote të re që nuk është më e Zotit, Krijuesit, duke eleminuar të gjithë ata që nuk i thonë po këtij projekti kriminel i kryer nga elitat botërore, me bashkëpunim ndoshta të ndonjë shteti. Qëllimi është të ndërtojmë një botë të re pa Zotin. Bota e Satanit. Ku të gjithë do të ishim zombie.”
I bindur në atë që deklaron, Fanzaga tha se ky nuk është thjesht një plan i largët, por diçka që do të zbatohet në 2021.
“Është një projekt, jo një gjë e largët. Ata duan ta arrijnë atë deri në vitin 2021, sipas mendimit tim.
Sa për presidentin e ri të SHBA, Joe Biden, Don Livio Fanzaga thotë se zgjedhja e tij është qershia mbi tortë për të çuar deri në fund projektin.
