Vazhdojnë akuzat nga Shtetet e Bashkuara të Amerikës ndaj Kinës mbi origjinën e shpërndarjes së COVID-19. Sulmi i fundit vjen nga Sekretari Amerikan i Shtetit, Mike Pompeo.
“Ka një sërë provash që tregojnë se koronavirus ka ardhur nga laboratori i virologjisë në Wuhan. Kina ka bërë gjithçka mundej për ta mbajtur botën në errësirë”, tha Pompeo.
Sipas tij, kjo nuk është hera e parë që bota ka qenë e ekspozuar ndaj viruseve si rezultat i “dështimit të një laboratori kinez”. Ndërsa shton se Kina ka një histori të infektimit të botës dhe se më parë ata kanë operuar në laboratorë ku nuk kishte standarde.
Megjithatë, shefi i Jashtëm i Uashingtonit nuk zgjodhi ta specifikonte nëse dalja e COVID-19 ishte diçka e bërë me qëllim apo jo.
