Koreja e Veriut ka shpërfillur thirrjet e OKB-se e komunitetit ndërkombëtar dhe ka lëshuar nje rakete me rreze te gjate veprimi. Televizioni shtetëror raportoi se misioni i lëshimit te një sateliti ne hapësirë, rezultoi i suksesshëm. Por kritiket e Phenianit thonë se ky ishte test i teknologjisë raketore te ndaluar nga rezolutat e OKB-se. Reagime te menjëhershme mbërritën nga fqinji i saj, Koreja Jugore, Japonia dhe Shtetet e Bashkuara, qe e dënuan kete veprim dhe kërkuan mbledhje emergjente te Këshillit te Sigurimit. Seuli ndërkaq ka nisur diskutimet me Uashingtonin per vendosjen e nje sistemi te mbrojtjes raketore. Kina, aleatja kryesore e Koresë se Veriut shprehu keqardhjen, por u kërkoi palëve te përmbahen nga veprime qe do te përshkallëzonin me tej tensionet ne gadishullin Korean. Lëshimi i raketës vjen nje muaj pasi Pheniani njoftoi testimin e nje bombe me hidrogjen.
