Rritet skepticizmi ndërkombëtar mbi testin e bombës me hidrogjen që Koreja e Veriut pretendon se ka realizuar. Ekspertët e shpërthimeve bërthamore kanë vënë në pikëpyetje këtë provë, pasi rrezja mendohet se është shumë herë më e vogël nga një bombë e tillë. Ndërsa ekspertët nga Koreja e Jugut thanë se shpërthimi ishte i ngjashëm me testin e fundit atomik që Koreja ka bërë në vitin 2013. Me herët Peniani zyrtar njoftoi se kishte realizuar me sukses nje bombe me hidrogjen, e cila ishte me e fuqishme se nje bombe bërthamore me pluton, veprim qe vuri ne alarm fqinjët dhe solli reagimet e zyrtareve te huaj. Ketë te mërkure u regjistrua nje lëkundje sizmike e pazakonte me magnitude 5,1 te shkalles rihter, jo shume larg kufirit me kinën, dhe analizat e disa agjencive sizmike treguan se tërmeti ishte artificial dhe ishte shkaktuar nga nje shpërthim. Me pas mbërriti edhe konfirmimi zyrtar i Penianit, qe njoftoi ne televizion kryerjen e testit bërthamor, i katërti qe nga viti 2006. Kryeministri japonez Shinzo Abe e dënoi testin, duke theksuar se ky është nje kërcenim per sigurinë e vendit. SHBA kërkuan qe Peniani te zbatoje angazhimet ndërkombëtare. Nga Europa pati gjithashtu reagime te ashpra. Presidenti francez Hollonde foli per shkelje te papranueshme te rezolutave te OKB-se. Koreja e Veriut ka sqaruar se nuk do t’i përdore armët bërthamore, nëse nuk shkelet sovraniteti i saj.
Ndonese përballet me sanksione ndërkombëtare per programet e saj bërthamore dhe te raketave, Koreja e Veriut nuk i ka ndalur testet.
