Koreja e Veriut dyshohet se vetëm disa orë pasi Peniani tha se do të rifillonte bisedimet bërthamore me SHBA, mund të ketë gjuajtur një raketë balistike nga një nëndetëse.
Lajmi është bërë i ditur nga disa zyrtarë të Koresë së Jugut, të cilët janë shprehur se një raketë e lëshuar pranë portit të Ëonsan fluturoi rreth 450 km (280 milje) dhe arriti në një lartësi prej 910 km, para se të binte në Detin e Japonisë.
Sipas mediave ndërkombëtare bëhet me dije se nëse një veprim i tillë konfirmohet, kjo do të ishte një përshkallëzim domethënës nga testet me rreze të shkurtër që Koreja e Veriut ka realizuar që nga muaji maj.
Ndërkohë kryeministri japonez Shinzo Abe tha se ishte një shkelje e rezolutave të Këshillit të Sigurimit të Kombeve të Bashkuara që ndalon Korenë e Veriut nga përdorimi i teknologjisë së raketave balistike.
Bisedimet janë ndërprerë pasi samiti i Hanoi midis Presidentit të SHBA Donald Trump dhe udhëheqësit të Koresë së Veriut Kim Jong-un në shkurt përfundoi pa një marrëveshje.
