Tensionet mes Koresë se Veriut dhe Shteteve te Bashkuara janë rikthyer, pasi Pheniani njoftoi se ka testuar me sukses nje motor te ri per raketat balistike ndërkontinentale. Siç raportoi agjencia e lajmeve KCNA, ky lloj motori ka kapacitet te kryeje sulme bërthamore ne territorin e Shteteve te Bashkuara. Testi u krye ne vendin prej nga lëshohen raketat me rreze te gjate veprimi pranë brigjeve perëndimore dhe është i fundit ne nje seri provash te kryera nga ky shtet. Gjate testimit ka qene i pranishëm edhe udhëheqësi Kim Jong-un, i cili deklaroi se tashme vendi do te mbaje larg pellgun e se keqes, përfshire këtu edhe token amerikane. Përgjigjja e Uashingtonit ishte e menjëhershme, përmes zedhenesit te departamentit te shtetit Mark Toner. “Koreja e Veriut duhet te heqë dore nga veprimet dhe retorika qe destabilizon edhe me tej rajonin dhe te beje hapa konkrete përpara ne përmbushjen e zotimeve dhe detyrimeve ndërkombëtare”, deklaroi ai. Ketë vit, Koreja e Veriut ka testuar edhe nje rakete bërthamore dhe nje tjetër me rreze te gjate veprimi. Me herët, Pheniani kishte njoftuar testimin e bombës se pare me hidrogjen, veprime këto qe kane çuar ne sanksione te reja ndërkombëtare kundër këtij shteti.
