Për shkak të shtimit të rasteve të reja në Korenë e Jugut, autoritetet janë detyruar të mbyllin baret dhe klubet në kryeqytet për shkak të frikës nga një valë e dytë e infeksioneve.
Koreja e Jugut raportoi 34 raste të reja të dielën, rritja më e madhe ditore në një muaj, duke e çuar numrin e përgjithshëm të infeksioneve në 10.874.
Vendi veproi me shpejtësi për ta mbajtur nën kontroll shpërthimin e virusit dhe u vlerësua gjerësisht si një histori suksesi për shkak të strategjisë mjaft agresive.
Por të shtunën, vetëm disa ditë pasi nisi dalja nga izolimi, kryebashkiaku i Seulit urdhëroi që të mbyllen të gjitha baret dhe klubet në qytet, duke përmendur frikën e një shpërthimi tjetër.
Të dielën, Presidenti Moon Jae-in tha se rastet e reja mund të shtohen në çdo kohë, edhe kur je në momentin që po del nga izolimi. Ai tha se për asnjë çast nuk duhet ulur vigjilenca dhe kujdesi.
