Një konflikt i çastit për pak sa nuk i ka kushtuar jetën një 36-vjeçari mbrëmjen e së hënës në qytetin e Korçës. Ngjarja ndodhi në një lokal në fshatin Vreshtas, ku sipas policisë konflikti mes dy të rinjve, të cilët kanë qenë duke luajtur domino, ka nisur brenda ambienteve të lokalit, ndërsa më pas ka degraduar në konfrontim fizik. 35-vjeçari Ylli Spaho ka qëlluar dy herë me thikë pas shpine 36-vjeçarin Daniel Tola. Për shkak të plagëve, Tola është transportuar menjëherë në Spitalin e Korçës dhe më pas në spitalin e Traumës në Tiranë. Sipas mjekëve, gjendja e të riu është e rëndë, pasi goditja i ka dëmtuar veshkën, ndërsa autori është vënë në pranga.
