Korçë, ngrica dëmton mollët

Qindra hektarë të kultivuara me mollë në fushën e Korçës janë dëmtuar si pasojë e uljes se temperaturave gjatë ditëve të fundit. Në fshatrat Burimas, Zvezdë dhe Shëngjërgj të njësisë administrative Pojan, parcelat me mollë janë dëmtuar nga ngrica dhe bryma. Vetëm në fshatin Burimas ku jetojnë 1000 banorë, janë dëmtuar 80 hektare që për fermerët përkthehet në humbje të prodhimit, e cila në vit arrin në 70 mije kuintalë. Nga ana tjetër përfaqësues të njësisë administrative pohojnë se pas inspektimeve në terren është verifikuar dëmi dhe janë duke u përgatitur raportet përkatëse të cilat do t’i dërgohen Drejtorisë së Bujqësisë.