Korçë, festivali i muzikës Barok

Festivali i muzikës së Vjetër “Vox Baroque” ka mbërritur në qytetin e Korçës përmes një koncerti të veçantë të zhvilluar në “Hanin e Elbasanit” tek pazari i vjetër i qytetit. Festivali i ka mbledhur dhjetëra pjesëmarrës, ndërsa ministrja e kulturës Mirela Kumbaro, tha se ky event promovon vlerat e trashëgimisë kulturore. Interpretimi i repertorit Barok ka si synim të përhapë muzikën e luajtur me instrumente origjinalë.