Korçë, dëmet në bujqësi nga reshjet

Breshëri i rënë dy ditë më parë ka dëmtuar masivisht prodhimet bujqësore në fushën e Korçës. Për të parë nga afër gjendjen përfaqësues të Drejtorisë se Bujqësisë dhe prefekturës kanë ngritur grupin e punës për verifikimin e dëmeve. Sipas kryeartit të bashkisë Maliq Gëzim Topçiu, më të dëmtuara janë gruri, fasulja, patatja dhe qepa. Vetëm në fshatin Pojan 300 hektarë me këto kultura janë dëmtuar në masën 100%, çka sipas fermerëve përkthehet në miliona leke te humbura. Pas verifikimit i gjithë dokumentacioni do të dërgohet në Ministrinë e Bujqësisë, e cila do të vendosë edhe për dëmshpërblimet.