Gjykata e Korçës ka dhënë masën e sigurisë “burg pa afat” për Klisman Leken, i akuzuar nga Prokuroria për vrasjen e 47-vjeçarit Besnik Bazelli në fshatin Vreshtas. Seanca është zhvilluar me dyer të mbyllura, ndërsa mësohet se 28-vjeçari nuk ka shfaqur pendesë për krimin. Ngjarja e rëndë ndodhi paraditen e 6 tetorit, kur pas goditjeve fizike, mbeti i vdekur ne mes te fshatit 47-vjeçari Besnik Bazelli. Sipas prokurores, i akuzuari dhe viktima fillimisht kanë debatuar me fjale me njeri tjetrin dhe me pas i riu ka goditur me grushta dhe shkelma Bazellin, i cili është përplasur ne asfalt dhe ka gjetur vdekjen.
