Trajtimet kimike të kryera nga fermerët në drurët frutorë në qarkun e Korçës janë duke dëmtuar bletët. Shqetësimi ka ardhur nga bletërritës të zonës së Maliqit dhe Devollit.
Sipas specialisteve trajtimi me kimikate i pemëve në këtë periudhë të lulëzimit është një rrezik real për bletën, e cila ka nisur të dëmtohet në masë në shumë prej parqeve.
Fermerët janë të detyruar edhe ligjërisht që të mos trajtojnë me kimikate pemët, për të mbrojtur bletët dhe insektet e tjera të dobishme.
Nga ana tjeter farmacistet duhet të zbatojnë detyrimin ligjor për tregtimin e preparateve duke pasur parasysh etiketën e produktit në lidhje me rrezikun ndaj bletës, si dhe gjithashtu të këshillojnë fermerët qe te perdorin preparate miqësore per bletën.
