Rreth 200 ha toka bujqësore të fshatit Bulgarec në fushën e Korçës do të përfitojnë sistem vaditjeje.
Kjo falë një investimi të bashkisë Korçë, me vlerë 3.2 milion lekë I cili synon që tu vijë në ndihmë fermerëve të kësaj zone.
Një gjë të tillë e ka bërë me dije kryetari i bashkisë së Korçës, Sotiraq Filo i cili ka inspektuar përfundimin e punimeve në këtë fshat.
Sipas Filos ky është një tjetër investim i bashkisë përmes fondeve të veta që ka për qëllim lehtësimin e punës së fermerëve në vaditjen e tokave bujqësore.