Dy persona të arrestuar dhe një tjetër i shpallur në kërkim si të dyshuar për vjedhjen e katedrales Ngjallja e Krishtit në Korçë.
Ngjarje kjo e ndodhur vetëm dy ditë më parë në juglindje të vendit. Joan Cigare 23 vjeç dhe Genci Arifi 42 vjeç, të dy banues në qytetin e Korçës janë vënë në pranga nga policia e Korçës. Ndërsa është shpallur në kërkim 26 vjeçari me inicialet A.N. Burime të siguruara pranë grupit të hetimit thanë se personi i parë i shoqëruar në komisiariat ka qënë Joan Cigare, i dënuar edhe herë të tjera për vjedhje.
Person i cili kishte vetëm pak kohë i liruar nga burgu i Drenovës. 23 vjeçari sipas të njëjtave burime jo vetëm ka pranuar vjedhjen por ka treguar se vjedhjen e ka bërë në bashkëpunim me dy persona të tjerë. Kaq ka mjaftar që policia të verë në pranga njërin nga bashkëpuntorët e tij ndërsa është në kërkim bashkëpuntori i tretë.
23 vjeçari Joan Cigare është person shumë i njohur për policinë e korçës pasi është ndaluar e dënuar për vjedhje kryesosht pasqyrash dhe akseseorë makinash në qytetin e Korçës duke u kthyer kështu në tmerr për drejtuesit e mjeteve.
Të njëjtat burime thanë se Cigare është identifikuar nga ana e grupit të hetimit pas kqyrjes së kamerave të katedrales të sekuestruara ditën e ngjarjes. Ndoshta edhe për këtë 23 vjeçari ka pranuar të bashkëpunojë me policinë.
