Policia e Korçës ka arrestuar një 39-vjeçar, pasi u konfliktua me klientët e një lokali, si dhe qëlloi me armë zjarri në ajër.
Në pranga ra E. H., i dënuar më parë për plagosje dhe armëmbajtje pa leje.
Mbrëmjen e së shtunës, gjatë një konflikti të çastit me disa klientë në lokalin e shtetasit A. B., dyshohet se ai ka qëlluar në ajër me armë zjarri tip pistoletë, pa shkaktuar dëme në njerëz.
Materialet i kaluan Prokurorisë pranë Gjykatës së Shkallës së Parë Korçë për veprime të mëtejshme.
