Në qytetin më të madh në juglindje të vendit funksionojnë muzeu Kombëtar i Arsimit ose Mësonjtorja e parë shqipe, muzeu Kombëtar i Artit Mesjetar, muzeu arkeologjik, muzeu i artit oriental Bratko, muzeu i fotografit Gjon Mili e banesa të shumta të shpallura monumente kulture.
Janë propozuar të ngrihet një muze i quajtur ‘Koha e ngrirë’ tek ish zona ushtarake e parkut ‘Rinia’ dhe tjetri me fondin e fotografit të njohur Kristaq Sotiri.
Në tërësinë e tyre këto qëndra muzeale përbëjnë një destinacion të preferuar për turistët vendas e të huaj. Më të frekuentuar mbeten muzeu Kombëtar i Arsimit dhe muzeu Kombëtar i Artit Mesjetar me mijëra e mijëra vizitorë.
‘Kësaj radhë shoqëruam turistë në muzeun arkeologjik të Korçës për ti treguar historinë dhe zhvillimin e qytetërimit në trojet tona që në lashtësi’ bën me dije drejtori i Drejtorisë Rajonale të Kulturës Kombëtare Gjergji Kokin
Ai thekson se muzeumet e qytetit të Korçës mbeten një destinacion i preferuar për turistët vendas dhe të huaj dhe ekipet Smile janë gjithmonë të gatshme për ti shoqëruar drejt tyre.