Qyteti i Korçës organizoi “Festivalin e dritave” që shënoi fillimin e atmosferës së festave të fundvitit.
Festivali nisi me numërimin mbrapsht pranë zonës së këmbësorëve ku të gjitha dritat e qytetit u ndezën njëkohësisht.
Bashkia e Korçës përmes dekorit të veçantë tërhoqi interesin e vizitorëve vendas dhe të turistëve të huaj, të cilët zgjodhën qytetin juglindor për të shijuar spektaklin e ngjyrave.
Kryetari i Bashkisë Sotiraq Filo shprehu solidaritetin e njerëzve ku përmes një koncerti bamirësie në sheshin e pazarit të vjetër, do të mbledhin fonde për familjet e prekura nga tërmeti i 26 nëntorit.
Korça përgjatë gjithë muajit dhjetor do të ketë një kalendar të pasur aktivitetesh me qëllim që qyteti të jetë destinacioni i preferuar këtë fundvit.