5 Maji, Dita e Dëshmorëve është përkujtuar në qytetin e Korçës përmes ceremonisë tradicionale në Varrezat e Dëshmorëve.
Në bustin e partizanit të panjohur janë vendosur kurora me lule në shenjë nderimi e respekti për sakrificat e djemve e vajzave që dhanë jetën në moshën më të bukur për lirinë e vendit.
Kryebashkiaku Sotiraq Filo ka theksuar se dëshmorët që prehen në këtë kodër të qytetit të Korçës luftuan e dhanë jetën për atdheun në bazë të një ideali, pa pasur asnjë interes vetjak dhe pikërisht për këtë çdo 5 maj vepra e sakrifica e tyre nderohet e përkujtohet me mirënjohje:
Një ditë reflektimi për keqpërdorjen e kontributit të dëshmorëve gjatë kohës së komunizmit, kështu e ka përcaktuar 5 majin përfaqësuesja e Partisë Demokratike të Korçës Sorina Koti.
Të gjithë të pranishmit kanë vizituar me pas muzeun me fotot e të rënëve si dhe kanë bërë një ecje përgjatë varrezave të dëshmorëve. Në këtë ditë të 5 majit nuk kanë munguar edhe vizitat në familjet e dëshmorëve.
