Reparti i urgjencës në spitalin rajonal të Korçës ka marrë masat shtesë për të kontrolluar të gjithë pacientët që paraqiten pranë këtij shërbimi me probleme respiratore.
Burime zyrtare bëjne me dije se duke parë rrezikun e përhapjes së Koronavirusit në vendin tonë, një kujdes të veçantë shkon për të gjithë pacientët që paraqiten me shenjat e një gripi të zakonshëm, të cilët i nënshtrohen kontrolleve më të imtësishme duke përfshirë këtu edhe analizat.
Po të njëjtat burime bëjne më dije se kujdesi është më i madh për ata persona që kanë ardhur nga Italia apo Greqia pas rasteve të evidentuara në këto shtete me Koronavirus.
Deri në këto momente nga sa raportohet nuk ka pasur asnjë rast të shënuar për infektim nga ky virus në spitalin Rajonal të juglindjes.
