Kryetari i Bashkisë së Korçës, Sotiraq Filo i ka drejtuar një letër ministrit të Mjedistit, Blendi Klosi dhe ministres së MEI, Belinda Balluku, ku shpreh qëndrimin e tij kundër ndertimit të TEC-it në Korçë.
Përmes kësaj letre ai ka kërkuar refuzimin e kërkesës së kompanisë GPP për ndërtimin e një TEC me gaz në afërsi të qytetit të Korçës.
“Ju kerkoj te mos aprovoni vleresimin e ndikimit ne mjedis pasi investitoret nuk kane paraqitur asnje garanci per nje bilanc pozitiv te ndotjes. Projekti eshte shume afer qytetit dhe ne toka te frutshme bujqesore. Qendrimi kunder i Bashkise se Korces ka qene i qarte dhe konsistent qe ne raportin e pregatitur per KIS ne dt 5.12.2017 ku Bashkia Korce eshte shprehur JO me arsyetimin e afersise me qytetin. Ky qendrim eshte mbeshtetur edhe nga Ministria e Bujqesise dhe Zhvillimit Rural e cila ka theksuar se ky projekt cenon funksionalitetin e Fushes se Korces nga fshati Barc deri ne Zemblak. Ne keto kushte, ju kerkoj MOSAPROVIMIN E KETIJ INVESTIMI, i cili ne cdo rast nuk do te mund te realizohet dot ne kundershtim me vullnetin e Bashkise see Korces”.
