Korça e pastër, zero raste me koronavirus prej dy javësh

Korça vijon të mos ketë asnjë rast të ri Covid-19 prej 14 ditësh tashmë. Kjo konfirmohet nga burime zyrtare te njesive te kujdesit shendetesor ne te gjithe qarkun juglindor, te cilat thane se gjate 24 oreve te fundit nuk ka pasur asnje rast te dyshuar dhe nuk eshte derguar asnje tampon ne kryeqytet per analiza. Gjate gjithe periudhes se pandemise ne qarkun e Korces jane konfirmuar 19 raste Covid-19  nga te cilat 18 jane te sheruar, ndersa vetem nje paciente vijon te jete ende pozitive. Ajo ndodhet ne spitalin “Shefqet Ndroqi” ne Tirane, ku pavaresisht se nje tampon i bere disa dite me pare e ka nxjerre ende pozitive, nuk ka asnje simptome te semundjes dhe ndodhet ne gjendje shume te mire shendetesore.