Kontrollet e policisë në Tiranë, hiqen 104 patenta

Gjatë fundjavës, policia ka arrestuar 38 drejtues automjetesh në gjendje të dehur, ose pa leje drejtimi, si dhe ka hequr 104 patenta për shkelje të rregullave të qarkullimit rrugor. Sipas policisë, në total janë arrestuar 96 persona, 20 prej të cilëve kanë qenë në kërkim, 12 për krime kundër personit, kryesisht kundërshtim të policisë së shtetit apo dhunë në familje si dhe 5 për armëmbajtje pa leje. Janë kontrolluar 55 lokale nate dhe 24 prej tyre janë gjobitur për shkak se janë gjetur persona të paregjistruar, apo nuk kanë dhënë kuponin tatimor. Policia ka sekuestruar 125 kilogramë hashash në një aksion në Shkodër, ndërsa në Kakavijë është kapur një i ri që vinte nga Greqia me 150 mijë euro të padeklaruara.