Kontrolle në dyqane e tregje, policia masa për ndalimin e kapsollave

Policia e Tiranës ka vijuar me kontrollin e dyqaneve e tregjeve për ndalimin e kapsollave.

Gjatë kësaj të enjte, policia ka ushtruar kontrolle në dyqanet dhe tregjet e ndodhura në rrugët “Petro Nini”, “Ali Demi”,  rruga e Elbasanit, “Ali Kelmendi”, “Ferit Xhajko”, “Neë York”.

Sipas policisë nga kontrollet e ushtruara nuk janë konstatuar lëndë plasëse apo produkte piroteknike.

Gjithashtu shërbimet e Policisë kanë ushtruar inspektim në lidhje edhe me elementët e sigurisë me të cilat duhen të jenë të pajisura subjektet, siç janë kamerat e vëzhgimit apo pajisja me fikëse zjarri.