Partia Konservatore e Britanisë do të prezantojë shërbimin e detyrueshëm për 18-vjeçarët nëse fiton zgjedhjet kombëtare më 4 korrik, një masë që do të përfshijë shërbimin në ushtri ose komunitet, njoftoi të dielën kryeministri Rishi Sunak.
Të rinjtë në moshë madhore do të jenë në gjendje të zgjedhin midis kalimit të një fundjave në muaj si vullnetar për një vit ose plotësimit të një prej 30,000 pozicioneve njëvjeçare në forcat e armatosura, tha Sunak.
Njoftimi vjen pas komenteve të djeshme të kreut të Partisë Laburiste Keir Stammer se ai është në favor të dhënies së të drejtës së votës 16 dhe 17-vjeçarëve.
Konservatorët e Sunak i ndjekin laburistët me një diferencë të madhe në synimin e votës.
E ardhmja “e rrezikshme”
“Vlerat tona demokratike janë padyshim nën kërcënim. Kjo është arsyeja pse ne do të prezantojmë një model të ri të guximshëm të shërbimit ushtarak për 18-vjeçarët”, tha Sunak në një deklaratë.
Partia e tij njoftoi se propozimi do të financohej nga të ardhurat e kursyera nga goditja e evazionit fiskal dhe nga Fondi i Përbashkët i Prosperitetit të Mbretërisë së Bashkuar, i cili synon të reduktojë pabarazinë ekonomike rajonale.
Megjithatë, politikanët e Partisë së Punës e panë me skepticizëm deklaratën.
Sekretari i Brendshëm James Cleverley u tha gazetarëve se nuk do të ketë dënime penale për ata që nuk shërbejnë, por se do t’u kërkohet ta bëjnë këtë, pa specifikuar se si./vizionplus.tv
