Një delegacion i Kongresit Amerikan ka nisur takime me krerët më të lartë të shtetit dhe politikës shqiptare, të kryesuar nga kryetari Bob Goodlatte. Në qendër të vizitës është situata politike në vend dhe marrëdhëniet mes dy vendeve. Kongresmenët janë takuar fillimisht me presidentin e republikës Bujar Nishani, ku diskutuan mbi situatën politike në Shqipëri, zgjedhjet e ardhshme parlamentare, ecurinë e reformës në drejtësi, rëndësinë e shtetit ligjor.

 

Po ashtu, sipas njoftimit të zyrës së shtypit të presidencës është diskutuar edhe mbi fenomenin e kanabisit dhe trafikut të drogës, krimit të organizuar si dhe rreth buxhetit financiar për shpenzime ushtarake dhe mbrojtjen po ashtu, Kongresmenët amerikanë janë pritur edhe nga kryetari i kuvendit Ilir Meta, njëherësh president i zgjedhur. Në qendër të bisedës ka qenë situata politike, me fokus të veçantë mbarëvajtjen e zgjedhjeve politike. Po ashtu u diskutua edhe mbi avancimin e reformës zgjedhore, zbatimin e reformës në drejtësi, si dhe luftën korrupsionit, krimit dhe trafiqeve të drogës. Delegacioni i kongresit do takohet edhe me kreun e opozitës Lulzim Basha, si dhe ministrin e jashtëm Ditmir Bushati.

Leave a Reply

Your email address will not be published. Required fields are marked *