Sekretari Gjeneral i NATO-s, Jens Stoltenberg pas konferencës së përbashkët me Aleksandër Vuçiç, ka dalë me një tjetër fjalim me kryeministrin e Kosovës Albin Kurti në selinë e Aleancës Veri Atlantike në Bruksel.

 

Kurti, teksa komentoi situatën që po ndodh në veri të Kosovës, deklaroi se kanë nevojë për përkrahje të partnerëve ndërkombetarë, BE, NATO dhe shteteve të tjera perëndimore.

 

“Në një anë keni shtetin demokratik të Kosovës dhe policinë profesionale dhe në anën tjetër keni struktura ilegale të Serbisë që kanë ngritur barrikada. Në këtë sens s’mund të ketë tolerim për krimin e organizuar. Policia jonë ka ndërmarrë 39 operacione ku kanë arrestuar dhjetëra kriminelë të grupeve kriminale, të të gjitha komuniteteve. Policia jonë nuk i zgjedh kriminelët në bazë të përkatësisë së tyre etnike. Neve na nevojitet përkrahja nga BE dhe NATO dhe nga shtetet perëndimore”, tha Kurti.

Leave a Reply

Your email address will not be published.