Tre persona kanë përfunduar në prangat e policisë së Vorës, pasi kanë qëlluar me armë gjatë një konflikti me njëri-tjetrin.
Të arrestuarit janë 28-vjeçari L. B., 29-vjeçari A. E. dhe 32-vjeçari G. Sh, të tre banues në Vorë.
Sipas njoftimit të policisë, ata i kanë zënë pritë tre personave të tjerë, duke i goditur me sende të forta në rrugën “Rinia”.
Ndërkohë, në cilësinë e provës materiale u sekuestrua 1 armë luftarake pistoletë, fishekë luftarak, si dhe një shufër metalike.
Ata akuzohen për veprat penale “Prodhimi, mbajtja, blerja apo shitja pa leje e armëve të ftohta“ dhe “Plagosja e lehtë me dashje”.
