Në Itali janë konfiskuar 39 ton ëmbëlsira vetëm 3 ditë para Krishtlindjve, për shkak se nuk ishin ruajtur në kushtet e përcaktuara higjienike ose nuk posedonin certifikatat e nevojshme të origjinës së përbërësve.
Pas disa hetimeve të kryera nga karabinierët u zbuluan se 29 ton ëmbëlsira mund të rrezikonin jetën e qytetarëve për shkak të kushteve të këqija në të cilën ishin ruajtur.
Kontrollet janë kryer në rreth 1000 kompani me parregullsi dhe janë vendosur gjoba që në total shkojnë deri në 423 mijë euro.
Në Bolonja u sekuestruan 24 tonë fruta të thata të kontaminuara nga mykotoksina, substanca me origjinë mykotike të rrezikshme për shëndetin. Për më tepër, mbi 500 ëmbëlsira panetone, pandoro dhe ëmbëlsira të tjera tipike për Krishtlindje, u hoqën nga tregu.
/Vizionplus.tv/
