Konfirmohet rasti i parë me koronavirus në Maqedoninë e Veriut.
Ministri i Shëndetësisë, Venko Filipçe pohoi se e infektuara ka ardhur nga Italia dhe testi që zhvilloi pasditen e kësaj të mërkure rezultoi pozitiv.
Pacientja, identiteti i së cilës nuk është bërë publik, është e shtruar në repartin e infektologjisë. Ministria e Shëndetësisë pohoi se ajo ka qenë në Itali për rreth një muaj, ndërsa nënvizoi se nuk ka nevojë që të përhapet panik pasi po merren të gjitha masat për izolimin e virusit.
Koronavirusi ka prekur deri tani më shumë se 80 mijë njerëz në të gjithë botën.
