Rritja e shpejte e çmimit te karburanteve ka sjelle reagimin e konfindustrias. Ajo bën te ditur se do të kërkojë zyrtarisht të ndërhyhet me masa ligjore për të shmangur pasojat afatgjata në zhvillimin ekonomik të vendit. Ne nje njoftim per mediat thuhet se konfindustria do të propozoje krijimin e një enti rregullator për karburantet, i cili do të jetë përgjegjës për çmimin dhe cilësinë e produkteve në treg.
Gjithashtu do te kërkohet edhe ulja me 50% e taksës së qarkullimit e cila sipas konfindustrias, arrin në 120 milionë euro ne vit. Ndryshimet e mësipërme do të paraqiten si pjesë përbërëse e paketës fiskale 2019 nga ana e shoqatës se biznesit. Çmimi i karburanteve gjatë kësaj jave u rrit me 10 lekë nga tregtarët e pakicës, duke bërë që një litër naftë t’i afrohet nivelit te 200 lekëve. Shqipëria aktualisht është vendi me çmimin me te larte ne rajon te karburantit.
