Komisioni i Pavarur i Kualifikimit (KPK) dhe Institucioni i Komisionerëve Publikë bashkë organizuan konferencën “7 vite rivlerësim kalimtar i gjyqtarëve dhe prokurorëve në Republikën e Shqipërisë”, që shënon edhe përfundimin e procesit të vettingut.
Nëkëtë aktivitet morën pjesë drejtues dhe anëtarë tëorganeve të rivlerësimit, të drejtësisë, ministra, ambasadorë, përfaqësues ndërkombëtarë, drejtues tëinstitucioneve të tjera të pavarura, përfaqësues tëshoqërisë civile, medias, etj.
Në fjalën e mbajtur, Kryetari i KPK, Roland Ilia bërinjë bilanc të veprimtarisë së Komisionit, ku theksoi se përgjatë 7 viteve të fundit u realizua një proces i plotë, i thellë dhe gjithëpërfshirës për 805 subjekte rivlerësimi.
Ai nënvizoi se 89% e vendimeve të KPK kanë mbetur të pandryshuara, tregues ky shumë i rëndësishëm për qëndrueshmërinë e vendimmarrjessë Komisionit.
Kryetari i KPK vlerësoi kontributin e qytetarëve në procesin e vettingut. “Në rivlerësimin kalimtar të gjyqtarëve dhe prokurorëve një rol tjetër të rëndësishëm kanë luajtur edhe qytetarët shqiptarë, të cilët përmes 6620 denoncimeve të përcjella pranë Komisionit kanë kontribuar në kryerjen e një procesi sa më të drejtë dhe gjithëpërfshirës,” u shpreh Ilia.
Ai falenderoi dy ish-drejtueset e KPK, Genta Tafa Bungo dhe Pamela Qirko për rolin dhe kontributin e tyre në ngritjen dhe konsolidimin e institucionit, si edhe përfaqësimin e tij me dinjitet në procesin e negociatave me Bashkimin Evropian.
Ilia nënvizoi se përmbyllja me sukses e procesit tërivlerësimit, me kontribut të drejtpërdrejtë në forcimin e sundimit të ligjit dhe konsolidimin e shtetit të sëdrejtës, do të sjellë një avancim më të shpejtë të vendit në procesin e integrimit në BE.
Komisioneri Publik, Florian Ballhysa u shpreh se teksa rivleresimi kalimtar po shkon drejt perfundimit te tij, si nje mase e jashtezakonshme, sot eshte ne funksion te plote dhe sistemi i zakonshem kushtetues ligjor i kontrollit te vleresimit te magjistrateve.
Po ti referohemi progres raporteve te Komisionit Europian, standardet e vendosura nga procesi i rivleresimit kalimtar jane te larta e si te tilla kerkohet qe te ruhen.
Kjo sakrifice do t’ia vleje ne fund te fundit, ne rast se do te sherbeje sadopak qe femijet tane, nje dite te jene qytetare te Bashkimit Europian.
