Ish-ministri i Shëndetësisë Ilir Beqaj do të pyetet sërish nga SPAK. Vendimi është marrë nga prokurori Edvin Kondili, që po heton kontratën 100 milionë euro të sterilizimit.
Mësohet se Beqaj do të dëshmojë mbi aspekte të ndryshme të kësaj kontrate, si person në dijeni.
Po ashtu, Beqaj duhet të japë shpjegime më të plota në lidhje me udhëtimet që ka kryer drejt Italisë me ish-zëvendësin e tij, Klodian Rrjepaj, dhe biznesmenin Ilir Rrapaj, që fitoi koncesionin.
Të dielën, përmes një statusi në rrjetet sociale, Beqaj tha se këto udhëtime ishin thjesht rastësore.
