Populli turk ka duartrokitur ndihmën e komuniteteve në Britaninë e Madhe, për të dhuruar mijëra paund dhe qindra kuti me ndihma humanitare pas tërmetit shkatërrues në Turqi dhe Siri.
Një zëdhënës i Shoqatës britaniko-turke, me seli në Luton tha se reagimi i të gjitha komuniteteve në Londër ka qenë “emocional”, pasi numri i të vdekurve në Turqi ka arritur në mbi 5 000, dhe shuma e donacioneve në mbarë botën në faqen ku po mblidhen fondet “JustGiving” i tejkaloi 750,000 £ (900,000 dollarë) në një ditë.
“Si një shoqatë bamirëse prej 20 vitesh në Britaninë e Madhe, ne u krijuam për të ndihmuar në çdo lloj fatkeqësie. Së pari, në Britaninë e Madhe, dhe në mbarë botën, duke përfshirë Turqinë”, tha Atilla Ustun, kryetari i Shoqatës së Komunitetit britaniko-turke.
