Ministri i Drejtësisë, Ulsi Manja ka deklaruar se paketa ligjore për kompesimin e ish pronarëve është plotësuar.
Pas mbledhjes së qeverisë, Manja thekson se procesi i njohjes dhe shpërblimit të pronës nuk kanë më asnjë pengesë ligjore, ndaj ish pronarët duhet të aplikojnë për njohjes e pronës dhe marrjen e shpërblimit.
“Kaluam dy vendime të rëndësishme në lidhje me kompensimin e pronave, kështu kompletojmë paketën nënligjore. Procesi i njohjes së pronës dhe shpërblimi i pronës nuk ka asnjë pengesë ligjore. Çdo ish pronar që do të bëjë një kërkesë për njohjen e pronës, i kthehet fizikisht siç e kanë pasur kur i është konfiskuar, nëse është e lire”, tha ai.
Ndërkohë, Manja thekson se ato ish pronarë, që i është zënë prona me ndërtime ose do përdoret për shërbime publike, do kenë një shpërblim financiar.
