Prodhuesi më i madh i avionëve në botë, Boeing, nxori nga përdorimi gjithë flotën e avionëve 737 Max.
Vendimi për nxjerrjen jashtë përdorimit erdhi pas provave të gjetura nga hetuesit në avionin e rrëzuar në Etipoi ku humbën jetën 157 persona.
Lajmin për pezullimin e fluturimeve të 371 avionëve Boeing 737 Max e njoftoi vetë kompania amerikane.
“Po bëjmë gjithçka që mundemi, në partneritet me hetuesit, për të kuptuar shkakun e aksidenteve dhe për të përmirësuar sigurinë”, tha presidenti i Boeing-ut, Dennis Muilenburg.
Në muajni tetor të 2018 një avion Boeing po I llojit 737 Max u rrëzua në Indonezi ku si pasojë humbën jetën 189 nejrëz në bord.
Ndërkohë pas rrëzimit të avionit të dytë në Etiopi të dielën, shumë shtete përfshirë dhe Shqipërinë ndaluan fluturimin e avionëve Boeing 737 Max.