Komisioni për Punë të Jashtme ka votuar këtë të mërkurë me 6 vota për Platformën për Dialogun, e cila pritet të shqyrtohet në Kuvendin e Kosovës të enjten.
Në këtë komision deputetët kanë votuar edhe Projektligji për Dialogun. Mbledhjen e këtij komisioni e kanë bojkotuar Lidhja Demokratike e Kosovës dhe Lëvizja Vetëvendosje.
Ndërkaq, kryeministri Ramush Haradinaj në fjalën e tij ka deklaruar se shpreson që nesër do të gjinden votat për t’u votuar Platforma e Dialogut e që sipas tij është hap i madh.
Ai njëherësh ka mohuar se platforma është e ndërlidhur me mundësinë e pezullimit ose heqjes së taksës. Ndër të tjera kryeministri Haradinaj ka ripërsëritur qëndrimin e tij rreth moslargimit të taksës ndaj produkteve me origjinë nga Serbia dhe Bosnja.