Komisioni i reformës vijon punën

Komisioni i Posaçëm Parlamentar për reformën në drejtësi ka vijuar punën me shqyrtimin e projektligjit “për organizimin dhe funksionimin e institucioneve të posaçme në luftën kundër korrupsionit dhe krimit të organizuar”. Edhe gjatë kësaj mbledhjeje kanë munguar përfaqësuesit e opozitës. Në përfundim, deputetët socialistë, anëtarë të komisionit, Ulsi Manja dhe Vasilika Hysi, shprehën keqardhjen për refuzimin nga opozita të propozimit të ndërkombëtarëve, që synonte kompromisin për miratimin e reformës. Deputetja Hysi bëri të ditur se është ngritur një grup pune nga qeveria, për të diskutuar mbi paketën financiare, për t’i paraprirë rritjes së pagave të gjyqtarëve dhe prokurorëve.