Nënkryetari i LSI, Petrit Vasili ka reaguar në lidhje me mbledhjen e Komisionit Hetimor për Presidentin.
Në një postim në “Facebook”, Vasili shprehet se Komisioni e filloi mbledhjen e tij për faqe të zezë pasi kryetari I këtij komisioni, sipas tij, shkeli hapur rregulloren duke e filluar seancën me një fjalim që mbahet vetëm në ditën e parë të punës.
Duke I cilësuar si sharlatanë, Vasili thekson se mazhoranca nuk ka lidhje as me shtetin as me ligjin.
“Komisioni hetimor per Presidentin fillon per faqe te zeze. Ulsiu duke shkelur rregulloren e Kuvendit e fillon me fjalimin e çartur te porositur nga Edi Rama seancen. Duhet ta dini te gjithe qe fjalimi,ne se ka nje te tille,mbahet vetem diten e pare kur komisioni fillon punen,ndersa sot fillon direkt me pyetjet per te cilat komisioni ka interes te marre shpjegime. Po keta sharlatane s’kane as turp dhe s’kane asnje lidhje asgjekundi as me shtetin dhe as me ligjin,keta jane turpi i ketij vendi,jane thjesht banditizmi ulur ne karriget e kuvendit.”
