Komisioni i garancive statutore në Partinë Socialiste i ka kthyer përgjigje shqetësimeve të një grupi deputetësh socialistë, mes tyre Ben Blushi, Arta Dade dhe Mimoza Hafizi, për interpretimin e statutit mbi procesin e zgjedhjes së kryetarit të partisë. Komisioni gjykon se i takon kongresit të partisë, si forumi më i lartë vendimmarrës, dhe nga ku burojnë statuti e programi, të vendosë nëse do të ketë zgjedhje për kreun e socialisteve. Komisioni, shton se organizmi i vetëm që qëndron mbi kongresin është gjithë anëtarësia e PS, e cila nëpërmjet referendumit mund të ndryshojë vendimmarrjet e kongresit.
