Mesazhet elektorale të nisura nga Belind Këlliçi për zgjedhësit në Tiranë, konsiderohen të paligjshme.
Deklarata vjen nga Komisioneri për të Drejtën e Informimit dhe Mbrojtjen e të Dhënave Personale, Besnik Dervishi.
Ai kërkon ndalimin e menjëhershëm të këtyre mesazheve, pas denoncimit të bërë nga një pjesë e qytetarëve të Tiranës.
“Zyra e Komisionerit u bën thirrje të gjithë subjekteve zgjedhore, të ndalojnë menjëherë çdo përpunim të paligjshëm të të dhënave personale,”- thuhet në deklaratën për shtyp.
