Me Norvegjinë ndoshta mund te kemi nje skuadër tërësisht ne sulm qe nga minuta e pare. Është kjo përshtypja qe është dhëne ne stërvitjen e fundit qe tekniku Panuci ka zhvilluar me skuadrën. Testi ndaj Norvegjisë mund te jete skema e se ardhmes ne eliminatoret e botërorit, ku tashme numri një i pankines shqiptare mund te aktivizoje jo nje por tre sulmues. E nëse ne stërvitjen e paradites skuadra u ushtrua me vrapime te lehte dhe veprime pa top, pasdite mbizotëroi taktika ku italiani e ndau skuadrën ne dy grupe duke provuar skemën 4-3-3. Ne porte ishte Strakosha me Mavraj dhe Gjimshiti ne qendër te mbrojtjes.
Ne krahët e prapavijës u përdoren Hysaj dhe Lenjani. Ne nje mesfushe ne vije te drejte Ylber Ramadani u provua ne qendër, ne te djathte Taulant Xhaka, ndërsa ne te majte Kamer Qaka. Surpriza ishte sulmi me Armando Sadiku ne qendër dhe nga krahët Eros Grezda dhe Odise Roshi. Po kështu edhe ne formacionin B sulmi përbehej nga Latifi Balaj dhe Cikalleshi, duke krijuar bindjen se skema e se ardhmes për kuqezinjtë është ajo me modulin me tre sulmues.
Gjithsesi deri ditën e hëne kur është edhe miqësorja, ka shume kohe ne dispozicion qe Panuci te zbatoje disa skema. Përballe nje skuadre si Norvegjia e forte ne luften ne ajër, nje pune te madhe pritet te kete qendra e mbrojtjes me shtatlartët Mavraj dhe Gjimshiti ndërsa ne idetë e Panucit ishte dhe përmirësimi i goditjeve standarde dhe ato nga këndi, ku ndoshta mund te jete dhe nje kundërpërgjigje surprizuese ndaj kundërshtarit.
